歐霸：皇蘇再戰萊比錫，勢均力敵鏖戰難分勝負
歐霸杯淘汰圈附加賽次回合頭場大戰，西甲勁旅皇家蘇斯達主場迎戰德甲代表RB萊比錫。兩隊首回合激戰踢成2比2平手，嚟到出線關鍵時刻肯定會加倍謹慎，尤其皇蘇今季地頭出擊后防相當穩健，有力抵擋RB萊比錫進襲，中位數2.5球入球細值博。
主場出擊失波甚少 皇蘇今季聯賽12次地頭出擊，夾埋只失過6粒，系西甲主場失波最少球隊，佢哋近5場主場有4仗保持清白身，4場波總入球全為2球或以下，可見對手要攻破以中堅拿洛文特為首嘅皇蘇后防，絕非易事。不過佢哋攻力就相對較失色，首回合全場只錄得3次攻門，加上瑞典前鋒阿歷山大伊沙克有傷在身上陣成疑，更加削弱主隊入球機會。
RB萊比錫雖然踢法進取，不過防守力不足，亦系球隊喺歐聯未能更進一步嘅主因，如今轉戰歐霸，嚟到附加賽次回合嘅生死戰肯定唔敢冒險。呢支「德甲狂牛」近4仗歐戰輸咗3場，球員信心明顯不足，只會踢得更小心，捧中位數2.5球入球細穩陣。
